【Oppa與你】釜山「芝」味,健康風味的芝士拉絲

當韓粉開口埋口都話鍾意Oppa，在尖沙咀韓國街的Oppa Coffee Bar Restaurant（下稱「Oppa」），都有位來自釜山的Oppa做店主兼主廚。他在韓國當地學廚多年，來到香港創業後，店內的皇牌火焰芝士系列及火山蛋漿熔岩炒飯瞬即成為人氣熱話。言則大家以為賣的是fusion韓食？咁又未必！店主主理設計的餐牌中，大多以他媽媽甚至外祖母的家鄉菜式食譜為基調，為每道菜式注入韓系家庭風味。食真啲，會嚐來自上一輩的懷舊感覺。

事不宜遲，今次的韓式舌尖深度行，現在開始！

韓國人的家庭，都有自家的一套烹飪方程式，細微如家常的泡菜或烹調醬汁，每家的處理方法也不盡相同。Oppa銳意在傳統上加入新派元素，令店內的美食變得更豐富玩味！

其次，再來個鎮店之寶的熔岩炒飯。熔岩炒飯有數款選擇每碟炒飯由Oppa親身煮理，當鐵板盛戴的炒飯奉上時，半融的蛋漿與芝士熱辣辣的融為一體。味道和味，又可以睇住Oppa表演，不止炒飯咁簡單，十分吸睛。

看似fusion第一擊，有這個人氣名物芝士排骨。排骨經醃製三日再煲煮一日，醬汁加入韓國正宗調料（新鮮生果,蔬菜,辣椒等十九種天然食材製成）預先一星期前調製妥當。汁醬沿用非常傳統的配方，此乃店主曾外祖母流傳下來，傳至現在第四代。上枱時，親切的oppa店員會用火槍「辣一辣」，將排骨被熱融的芝士厚厚包裹著，單食這個已經好味到講不出聲。

韓式豬手同樣承襲媽媽的味道，醬汁不加味精，以十多種香料熬製十多個鐘頭，慢火細煮。加埋醃魚仔醬、辣蘿香絲、蒜頭、韓國芝麻葉和生菜上碟。食的時候將芝麻葉和生菜裹著豬手及其他配料，味道清新，感覺健康舒服。

咪睇佢係小丸子咁，實情真身是章魚炒飯！炒飯底由韓國媽媽教路，店主再加入創意，先為大家預備好特製蛋漿、芝士粒等，上枱同時附上一個小丸子煎鍋，自己丸子自己整，一家大細都啱玩，又幾過癮！

論到媽媽的味道，韓國傳統的Kimchi（泡菜）又點少得呢？由oppa媽媽遠道由韓國將醃泡菜的醬汁帶到香港，釜山是沿海城市，所以釜山人都喜歡吃海鮮，加上五花腩炒大蝦，惹味中帶溫辣，顏色吸引眼球。想相機食先，可以嗌碟炒大蝦試一試！

如果想再多的感受韓國的家常風味，這道菜式就必食！平實的用料包括有蒸豆腐、泡菜和五花腩，韓國家庭若吃不完這道菜時，會將這些餸菜留起，待第二天用來熬製湯底。當吃著這些食材時，可以細味一下來自異鄉家庭的感覺。

徘徊在甜又鹹之間？經典的韓式炒牛肉是韓國家庭重視的菜式，味道夾雜甜和鹹，從前是當地人大時大節才會吃得到名物。在傳統的食譜之上，店主加入蛋絲、洋蔥、紅蘿絲及椰菜絲等，色彩繽紛，添食指數甚高！

試完咁多來自媽咪的風味，最後可以嗌埋韓式炸雞沙律， 韓式舌尖深度行到此一遊，實在大滿足！