約去大角咀食飯，真的嗎？其實大角咀嘅餐廳選擇好多，而且充滿異國風情，真係好鬼chill架！今日就嚟咗主打西班牙菜嘅RuRu Tapas Restaurant，食物選擇非常多，讓味覺尋覓一次鬥牛國。
西班牙蛋餅
傳統上蛋餅都會加入西班牙辣肉腸，不過餐廳直接將風乾火腿放係微焦嘅蛋餅面，賣相相當吸引。蛋餅入面嘅配料有薯仔粒、洋蔥絲同肉粒，份量非常多。軟稔嘅嘅洋蔥同薯仔，配合帶有鹹香嘅風乾火腿，為蛋餅嘅味道加入一個新嘅層次。
牛油果芒果伴北海道帶子刺身分子他他球
呢個分子他他球上面就好似瞓咗一條魷魚，瞓得咁舒服，真係唔忍心叫醒佢呀！呢道菜絕對係一個令人回味無窮嘅旅程，每一啖除咗有爆開嘅分子醬汁球，加上新鮮爽口嘅帶子、鮮甜嘅芒果同牛油果，為味蕾混合出新鮮感，十分驚喜。加上廚師用心嘅擺碟，盡享視覺同味覺嘅享受。
慢煮澳洲黑安格斯牛柳配乾菓鮮蔬伴野莓藍芝士紅酒汁
