香港康得思酒店嘅The Place 新推出「味遊海陸世界」全新餐單，名副其實由高級海鮮食到扒類美饌。而且午餐或晚餐時段都超豐富，一定有自己鍾意食嘅嘢！
酒店自助餐餐廳The Place 環境非常寬敝。
「味遊海陸世界」自助餐推全新餐單。
想午後偷閒，可以揀每日中午12點至2點半嘅午餐時段，有多款優質冰上鮮包括新鮮生蠔、藍青口、凍蝦同小龍蝦，連Lunch Time 都可以滿足海鮮癮。同場亦特設即製壽司、多款即切空運刺身同即叫即製自選沙律吧。
任食多款海鮮，最重要有大受歡迎嘅新鮮生蠔。
熱食方面都係意想唔到咁多元化，食肉獸可以Enjoy 紐西蘭肉眼扒、威士忌烤豬肋骨、炸魚薯條、黑啤燉牛肉伴芝士薯蓉；亞洲風味就有廣東生滾粥、泰式青胡椒烤魚同泰式冬蔭功湯麵等。
值得一提嘅係，呢度特別請嚟印籍廚師即製印度烤餅，新鮮出爐份外外脆內軟，並可配多款咖哩或乳酪蘸醬，睇得出餐廳好講求食物質素同細節。
駐場印籍廚師即製印度烤餅。
印度烤餅可配多款咖哩或乳酪蘸醬。
自助晚餐時段有齊以上菜式，並加碼有更多高級海鮮同扒類，包括冰鎮翡翠螺、新鮮水蟹粥、即切片皮鴨、燒羊架、美國頂級肉眼扒、風乾巴馬火腿，女士一定要飲埋足料燉湯滋補一下。
即切片皮鴨。
燒羊架及美國頂級肉眼扒。
仲有好玩嘅地方係可以隨個人喜好，親自製作色彩豐富嘅特色海鮮刺身飯。每位惠顧自助晚餐嘅客人仲可享芝士焗龍蝦一客。
每位自助晚餐客人免費獲芝士焗龍蝦一客。
自助餐一大亮點嘅甜點區域，就由甜點廚師Roy Ma 主理，今期仲有多款抹茶款式，除咗唔可以錯過嘅即叫即製京都抹茶雪糕泡芙外，仲有抺茶蕨餅、抺茶撻、抺茶拿破崙、抺茶卷蛋，全用上得獎京都宇治抺茶粉製成，茶味香濃。其他精選甜品仲有日本白桃伯爵茶蛋糕、韓國人氣麻糬曲奇、台式古早甜品芋圓仙草等。
甜點廚師 Roy Ma。
豐富抺茶甜品。
營業時間及價錢
自助午餐
時間：每日中午12時至2時30分
價錢：星期一至五，成人HK$368；小童及長者 HK$288
星期六、日及公眾假期，成人HK$438；小童及長者HK$338
自助晚餐
時間：每日下午6時30分至9時45分
價錢：星期一至四，成人HK$648；小童及長者HK$468
星期五、六及公眾假期前夕，成人HK$698；小童及長者HK$498
星期日及公眾假期，成人HK$658；小童及長者HK$478
